Neleginda fadeno pri "La verda radio" 

Mi ne multe ŝatis filmojn antaŭ ol mi trovis tiujn de Éric Rohmer. Poste, lia "Le rayon vert" fariĝis mia favorata. Temas pri solemulo, Delphine, kiu devas alfronti sian solecon, delonge subpremitan, pro subita planŝanĝo. Kvankam la filmo traktas ĉiutagaĵojn, ĝi estas kvazaŭ feinrakonto en kiu la hazardo kaj la naturo ludas magian rolon. Lastatempe ĝi okupas miajn pensojn. Jen (la komenco de) fadeno, kiu estos teda kaj pedanta kaj sendirekta kaj sentimentala.

Neleginda fadeno pri "La verda radio" 

Kiel kutime ĉe Rohmer, ĝi estas unu filmo en serio. Ĝia serio, nomata "Komedioj kaj Proverboj", enhavas ses filmojn, ĉiujn leĝerajn kaj bazitajn sur aparta citaĵo (ĉi-foje, "Ho, ke venu la horo, kiam ardos la koro!") Malkiel la aliaj filmoj, ĝia teksto estas plejparte improvizita, tre multaj roluloj ludas sin mem, kaj (tre strange ĉe Rohmer!) ĝi enhavas muzikon nur aŭdeblan por la spektantoj. La rezulto estas etoso kaj tre natura, kaj iel supernatura.

Show thread

Neleginda fadeno pri "La verda radio" 

(Mi intermite daŭrigos. Ne atentu.)

Show thread

Neleginda fadeno pri "La verda radio" 

La filmo komenciĝas per telefonalvoko (fakte, samkiel ĉiu filmo en la serio), dum kiu unu amikino de Delphine sciigas ŝin, ke ŝi ne plu povas ferii kun ŝi, ĉar ŝi trovis koramikon kaj volas anstataŭe ferii kun li. (Vane aŭdiĝas de nia heroino, "Ni povas iri kiel triopo!" 😬) Delphine, kiu jam du jarojn luktas kontraŭ soleco post sia eksfianĉiniĝo, nun devas trovi novan planon por eviti tiun senton. Jen la kerna problemo de la filmo.

Show thread

Neleginda fadeno pri "La verda radio" 

Dum la sekva parto de la filmo, Delphine vizitas kelkajn amikinojn kaj sian (parenteze, realan) familion, por serĉi novan kunferianton. O kej, finfine kun ĉiu ĉi kunteksto mi povas iom papilii! 😊

Unue, mi simple volas montri la suban ekrankopion. Kia belega plano! Krome, rimarku la ruĝan jakon. Ĝi estas tre ofta vesto en la filmo kaj (laŭ intervjuo) la sola, kiu estis dekomence elektita por ŝi. Heroino vestita en ruĝo, kiu serĉas verdon — iom poezie, ĉu ne?

Show thread

Neleginda fadeno pri "La verda radio" 

Parolante pri modo... ni juĝu la vestmanierojn de la amikinoj de Delphine. 😜

Manuella: Hm, la kato estas dubinda ornamaĵo, sed ĝi ja bone harmonias kun la nigra korsaĵo. La tuto donas impreson de kvieta sorĉistino kiu volonte uzus sian magion por helpi amikon.

Béatrice: Tre laŭmoda bluzo kaj simplaj elegantaj juveloj. La fajra, ama ruĝo sugestas la tipon, kiu estus iom tro kruela kontraŭ amiko pro misgvida provo puŝi ŝin al pliboniĝo... ekzemple.

Kaj...

Show thread

Neleginda fadeno pri "La verda radio" 

Françoise: Nu, eble la vestaro estas iom ekscesa, eble ĝi estus pli harmonia sen la bunta koliero... sed tamen mi senironie ŝatas ĝin. 🤷‍♂️ Kaj, hm, jes, la verdo — jen grava kaj signifoplena koloro en la filmo! Facile imageblas ke fine estos ŝi kiu helpos Delphine trovi novan planon por la ferioj...

Show thread

Neleginda fadeno pri "La verda radio" 

Mi ne volas tro dependi de elĉerpaĵoj el la filmo, sed mi ne povas klarigi la signifon de verdo por Delphine pli bone ol ŝi mem.

(Ho, ĉu verdo estas "la koloro de espero", Béatrice? Mi tute ne sciis! 😜)

Do jen (kiel ĉiam, kun Esperanta subteksto):

Show thread

🍅🍅leginda faden🍅 pri "La̽͜ veȑ͟da̯̚ rad̹̅į͆o"̞̆ 

Dankon pro via DAŬRA kaj ĈIAMA pacienco. 😉

Finfine, jen la nova epizodo! ♠️👸

Ne forgesu̥ ŝ̨a̜tiͅ ķaͅj͖ ̧̾ḁ͐b̞͌ó̖ni͙͛!͍̈́!͇̞̒̈́!̧̘̐͠
🍅🍅🍅

youtu.be/vkMHZCGLMbU

Show thread

Neleginda fadeno pri "La verda radio" 

Kiel mi antaŭlonge aludis, estas Françoise kiu fine (dummomente) savas Delphine: ŝi proponas al ŝi feriojn kun sia familio en Ĉerburgo. Kaj tie okazas tre bonega kaj Rohmer-eca sceno, en kiu dum vespermanĝo kun la familio de Françoise, riveliĝas ke Delphine estas vegetarano, kaj ŝi devas defendi sin kontraŭ iliaj senĉesaj (kaj iom agresaj) demandoj prie. (Jen kiam okazas la sceno kun la tomato, kiun mi montris en mia Jutuba filmeto.)

Show thread

Neleginda fadeno pri "La verda radio" 

Samkiel la plimulto da scenoj, ankaŭ ĉi tiu estis improvizita. Rohmer tamen sekrete instrukciis al la familianoj, ke ili daŭre pridemandu ŝin. Kiel diris la aktorino de Delphine dum intervjuo: "Alie, tiam mi simple povus diri ke mi ne manĝas viandon kaj fini la aferon tuj. Mi devis respondi tiujn demandojn. Tio kreis kinaĵon, ĉu ne?" (mubi.com/notebook/posts/close-).

Show thread
Follow

Neleginda fadeno pri "La verda radio" 

Ve, mi forgesis mencii ke la aktorino, Marie Rivière, estas vegetarano en la reala vivo. Jen sur kio baziĝis la improvizado. Ofte la limo inter la aktoro kaj la rolo estas nebula en la filmoj de Rohmer, kaj tio estas aparte vera en "La verda radio".

· · Web · 0 · 0 · 0
Sign in to participate in the conversation
Mastodon

Server run by the main developers of the project 🐘 It is not focused on any particular niche interest - everyone is welcome as long as you follow our code of conduct!