Neleginda fadeno pri "La verda radio" 

Unu lasta rimarko pri la sceno:

Mi trovas kruele ridiga tion, ke la muntisto (fakte, vi jam konas ŝin: ŝi ludas Manuella) decidis montri la infanojn provantajn manĝi viandon samtempe kiam Delphine diras, "Oni manĝas viandon nur pro manko de konscio pri siaj agoj, pro manko de konscio pri kiel oni mortigas beston."

Show thread

Amuzas min imagi ke en Francio ekzistas "uson-stila" jogurto nomita "Yes". (Laŭ mia imago, nepre temas pri la speco, kiu estas enpakita en tubaj saketoj kiel "Go-GURT". 😜)

O kej, ĉi tio estas tre stulta, sed ĝi ridigis min dum minutoj. Kunteksto: Hana devas engluti pilolojn ĉiutage, kaj poste ŝi ricevas ian frandaĵon (kutime, etajn bulojn el fromaĝo). Sed ĉi-matene ŝi estis tre dormema — eble ĉar ŝi estas (pli ol) malbona knabino, kiu pasigis la matenon provante ĉiel veki min 🤔 — kaj do ĉi-foje poste ŝi simple kuŝiĝis sur la planko. Mi metis kelkajn bulojn antaŭ ŝin, atendante ke ŝi leviĝos kaj ekmanĝos, sed ŝi daŭre restis tiel. Do, kompreneble, mi devis...

Neleginda fadeno pri "La verda radio" 

Mi ne volas tro dependi de elĉerpaĵoj el la filmo, sed mi ne povas klarigi la signifon de verdo por Delphine pli bone ol ŝi mem.

(Ho, ĉu verdo estas "la koloro de espero", Béatrice? Mi tute ne sciis! 😜)

Do jen (kiel ĉiam, kun Esperanta subteksto):

Show thread

Mia freŝe liverita malnova libro enhavas skribaĵojn de ĝia antaŭa posedanto! 😊 Mi tre ŝatas notojn kaj substrekojn en libroj. Estas kvazaŭ oni legas kune kun iu alia.

Neleginda fadeno pri "La verda radio" 

Françoise: Nu, eble la vestaro estas iom ekscesa, eble ĝi estus pli harmonia sen la bunta koliero... sed tamen mi senironie ŝatas ĝin. 🤷‍♂️ Kaj, hm, jes, la verdo — jen grava kaj signifoplena koloro en la filmo! Facile imageblas ke fine estos ŝi kiu helpos Delphine trovi novan planon por la ferioj...

Show thread

Neleginda fadeno pri "La verda radio" 

Parolante pri modo... ni juĝu la vestmanierojn de la amikinoj de Delphine. 😜

Manuella: Hm, la kato estas dubinda ornamaĵo, sed ĝi ja bone harmonias kun la nigra korsaĵo. La tuto donas impreson de kvieta sorĉistino kiu volonte uzus sian magion por helpi amikon.

Béatrice: Tre laŭmoda bluzo kaj simplaj elegantaj juveloj. La fajra, ama ruĝo sugestas la tipon, kiu estus iom tro kruela kontraŭ amiko pro misgvida provo puŝi ŝin al pliboniĝo... ekzemple.

Kaj...

Show thread

Neleginda fadeno pri "La verda radio" 

Dum la sekva parto de la filmo, Delphine vizitas kelkajn amikinojn kaj sian (parenteze, realan) familion, por serĉi novan kunferianton. O kej, finfine kun ĉiu ĉi kunteksto mi povas iom papilii! 😊

Unue, mi simple volas montri la suban ekrankopion. Kia belega plano! Krome, rimarku la ruĝan jakon. Ĝi estas tre ofta vesto en la filmo kaj (laŭ intervjuo) la sola, kiu estis dekomence elektita por ŝi. Heroino vestita en ruĝo, kiu serĉas verdon — iom poezie, ĉu ne?

Show thread

Neleginda fadeno pri "La verda radio" 

(Mi intermite daŭrigos. Ne atentu.)

Show thread

Negrava aldonaĵo 

(La supra elĉerpaĵo estas pli bona resumo de ŝia karaktero kaj ŝia lukto en "La verda radio", sed mi ne povas deteni min kundividi ankaŭ la jenan simple pro tio, ke mi tiom multe kunsentas kaj komprenas tiun mienon de ekkonscia sinĝeno, kiun ŝi faras ĉe la fino.)

Show thread

Ĉu mi nun estas fan-konto dediĉita al Marie Rivière? 🤔

(Alternativa vivcelo: fariĝi franca pentristo de eksterordinaraj formikoj.)

Show thread

Eble iutage estos mi, kiu surprizos homojn per talento por dancado. 😊

O kej, la alia afero pri ĝi, kiu dolorigis min, estis kiel bela ĝi estas kaj kiel efike ĝi uzas siajn bildojn. 🙃 Mi kutimas spekti filmojn plenplenajn de dialogo sen granda akcento sur la vida flanko. Mi sentis min mirigita kaj sorĉita kaj eĉ iom malkomforte, spektante filmon kiu tiel ofte kaj tiel lerte rakontas sen vortoj:

Show thread

Mi estas la korbo-kato,
mi nestas en bula stato.
Jen vi kun fotaparato —
inda je bato kaj grato!

Mi estas la korbo-kato,
mi restas en korb-boato,
ja temas pri kat-pirato,
mi remas sur tablo-plato!

Ĉi-jare Pasko estos nuligita kaj anstataŭigita per Printempa Haloveno. Sed pro la cirkonstancoj, la tradicio pri la dolĉaĵoj estos iom alia. Ĉi-foje ili estos alportitaj al via domo. En korboj. Per kuniklo.

Show more
Mastodon

Server run by the main developers of the project 🐘 It is not focused on any particular niche interest - everyone is welcome as long as you follow our code of conduct!