Follow

蕃茄,原名奶茶,奄奄一息咁被人送到診所,因為佢塞尿道,佢前主人話要人道毀滅佢,罪名係「佢好曳,搞到屋企好污糟」,「唔係人人可以一下子拎幾千蚊出黎幫佢醫病」,而個主人係揸靚車,用最新型號嘅電話,住整橦村屋的。

如果「曳」就要死,呢個世界應該只可以有植物,而植物之中就算蒲公英都唔應該生存,因為佢會周圍飛,好曳。

診所自費幫蕃茄醫病,插尿喉放尿,D 尿好似蕃茄汁咁嘅顏色,所以同事幫佢改名做「蕃茄」。佢真係好曳,第二日 (定第三日?) 就自己拆咗條尿喉出黎,但好在,尿道問題無返發過。

本來佢可以做隻診所貓,但因為佢中意周圍痾尿,診所容納唔到佢,所以佢黎咗我度。

開頭我對佢無咩特別感情,貓就係貓,養咗貓咁多年,貓已經成為我生命一部份,所以帶新貓返屋企就好似買咗支新洗潔精返屋企咁,你唔會無啦啦拎住支洗潔精讚嘆。

佢真係好曳,先係比我發現佢成日都成個人捐入包狗糧度,好滋味咁偷食狗糧,之後佢直頭咬爛D 狗糧包裝,光明正大咁食狗糧,再之後佢開始進駐廚房偷飲我D 湯,仲打爛咗兩個煲蓋,後來佢開始學飛,整爛埋盞燈。

最曳嘅係,年幾之後佢患上 FIP,掉低我自己移民上天堂。

@karenchiu 佢個前主人正一衣冠禽獸,斯文敗類,最應該死果個係佢

@karenchiu 佢上天堂之前係你屋企練定飛簷走壁,易啲適應喺上面嘅生活。這是你的功德呀😢

@EliWinterson

呵!我早兩日先講過:Restricted Post = PM GP。😉

算呀~

@karenchiu 讓人傷感,願蕃茄RIP。anyway,我好認同曳係一回事,唔應該殺左佢,生命黎架。

@karenchiu
洗潔精論,笑咗😂

我都有超過10隻貓貓狗狗去咗彩虹橋,唔知佢地有無做friend呢!

@Joan_Lee

佢哋可能喺上面用緊 Catadon 講緊我哋。🙊

Sign in to participate in the conversation
Mastodon

Server run by the main developers of the project 🐘 It is not focused on any particular niche interest - everyone is welcome as long as you follow our code of conduct!